‘అతిశయ పిరవి’గా సంతానం కొత్త చిత్రం

తమిళ హాస్యనటుడు, కథానాయకుడు సంతానం ప్రధాన పాత్రలో నటిస్తున్న సైన్స్‌ ఫిక్షన్‌ థ్రిల్లర్‌కు ‘అతిశయ పిరవి’ అనే టైటిల్‌ను ఖరారు చేశారు. తాజాగా ఈ సినిమా ఫస్ట్‌లుక్‌ పోస్టర్‌ను చిత్రబృందం సామాజిక మాధ్యమాల ద్వారా విడుదల చేసింది. సుధామన్‌ కృష్ణ దర్శకత్వం వహిస్తున్న ఈ చిత్రాన్ని వీనస్‌ ఇన్ఫోటైన్‌మెంట్‌, కే7 స్టూడియోస్‌ పతాకాలపై కేజే గణేష్‌, విజయ్‌ కే సెల్లియా సంయుక్తంగా నిర్మిస్తున్నారు. జి.వి. ప్రకాశ్‌ కుమార్‌ సంగీతం అందిస్తున్నారు. త్వరలోనే టీజర్‌, ట్రైలర్‌తో పాటు విడుదల తేదీని ప్రకటించనున్నారు.