నాతో నేను ఎక్కువ సమయం గడపాలని...

నటి కయ్యదు లోహర్‌ సోషల్ మీడియాకు బ్రేక్ ప్రకటిస్తూ.. ఇన్‌స్టాగ్రామ్‌లో ఓ పోస్ట్ పెట్టారు. ‘నేను సోషల్ మీడియా నుండి కొద్దికాలం పాటు దూరంగా ఉండాలని నిర్ణయించుకున్నాను. సాధారణంగా మనం అలసిపోయినప్పుడు మన శరీరానికి ఎలాంటి విశ్రాంతిని ఇస్తామో.. అలాగే మన మనసుకు కూడా కొన్నిసార్లు ప్రశాంతత, విశ్రాంతి చాలా అవసరం. అందుకే నా జీవితంలో కాస్త నెమ్మదించాలని, కొంతకాలం పాటు ఈ డిజిటల్ ప్రపంచానికి దూరంగా జరగాలని అనుకుంటున్నాను. తెర వెనుక ఉన్న నా అసలు జీవితంతో, నాతో నేను ఎక్కువ సమయం గడపాలని భావిస్తున్నాను. ఇప్పటివరకు నాకు ఇక్కడ ఎంతో మద్దతునిచ్చి, ప్రోత్సహించి, ప్రేమను పంచిన ప్రతి ఒక్కరికీ మనస్ఫూర్తిగా ధన్యవాదాలు. మీ సందేశాలు, మీరు చూపించిన ప్రేమ నాకు ఎంతో విలువైనవి’ అని పోస్టులో రాశారు.