Print Edition26న తమిళంలో ...

సింగీతం శ్రీనివాసరావు తెరకెక్కించిన ‘సింగ్ గీతం’ చిత్రం జూన్ 26న తమిళంలో విడుదల కానుంది. వైజయంతి మూవీస్, స్వప్న సినిమా బ్యానర్లపై నాగ్ అశ్విన్ నిర్మించిన ఈ చిత్రంలో ఆయాన్, అహల్యా బమ్రూ, శాలిని కొండెపుడి కీలక పాత్రలు పోషించారు. దేవిశ్రీ ప్రసాద్ సంగీతం అందించారు. జూన్ 12న ప్రపంచవ్యాప్తంగా విడుదలైన ఈ చిత్రం ప్రేక్షకులు, విమర్శకుల ప్రశంసలు అందుకుని విజయవంతంగా ప్రదర్శితమవుతోంది. ఇప్పుడు తమిళ ప్రేక్షకుల ముందుకు తీసుకురావడానికి హీరో సూర్య ముందుకొచ్చారు. ఏజీఎస్ సినిమాస్ బ్యానర్ ద్వారా తమిళ వెర్షన్‌ను ఆయన విడుదల చేయనున్నారు.