ఐదుగురు అక్కా చెల్లెళ్లతో ...

టాలీవుడ్‌ హీరో శర్వానంద్‌ నటిస్తున్న తాజా చిత్రం ‘భోగి’. సంపత్‌ నంది దర్శకత్వంలో తెరకెక్కుతున్న ఈ చిత్రం సిస్టర్‌ సెంటిమెంట్‌ నేపథ్యంలో రూపొందుతున్నట్లు టాక్‌. రక్షాబంధన్‌ సందర్భంగా శర్వానంద్‌ చుట్టూ ఐదుగురు అక్కా చెల్లెళ్లు కూర్చున్న కొత్త పోస్టర్‌ను చిత్రబృందం విడుదల చేసి రక్షాబంధన్‌ శుభాకాంక్షలు తెలిపింది. ఈ చిత్రంలో అనుపమ పరమేశ్వరన్‌, డింపుల్‌ హయాతి కథానాయికలుగా నటిస్తున్నారు. శ్రీసత్యసాయి ఆర్ట్‌ బ్యానర్‌పై కె.కె. రాధామోహన్‌ నిర్మిస్తున్నారు.