3న ఓటీటీలో ‘గాంధారి’

తాప్సీ పన్ను ప్రధాన పాత్రలో నటించిన ‘గాంధారి’ చిత్రం సెప్టెంబర్‌ 3న నెట్‌ఫ్లిక్స్‌లో నేరుగా స్ట్రీమింగ్‌ కానుంది. దేవాశిష్‌ మఖిజా దర్శకత్వం వహించిన ఈ యాక్షన్‌ థ్రిల్లర్‌ను కనికా థిల్లాన్‌ నిర్మించారు. ‘జాయ్‌పుర్రా’ అనే కల్పిత నగరం నేపథ్యంలో సాగే ఈ చిత్రంలో తాప్సీ ‘బానీ’ అనే ధైర్యవంతురాలైన తల్లి పాత్రలో కనిపించనున్నారు. తన కుమార్తెను కాపాడుకునేందుకు ఆమె చేసే పోరాటం, ఆ క్రమంలో ఎదురయ్యే సవాళ్ల చుట్టూ కథ సాగుతుంది. ఇష్వాక్‌ సింగ్‌, ఛాయా కదమ్‌, స్వస్తిక ముఖర్జీ, మీతా వశిష్ఠ్‌, జతిన్‌ సర్నా కీలక పాత్రల్లో నటించారు. తాప్సీ, కనికా థిల్లాన్‌ కలయికలో వస్తున్న మూడో చిత్రమిది.