‘ఎం.ఎస్‌.సుబ్బలక్ష్మి’గా రష్మిక ..

హైదరాబాద్‌ : ప్రముఖ కర్ణాటక సంగీత విద్వాంసురాలు ఎం.ఎస్‌.సుబ్బులక్ష్మి పాత్రలో రష్మిక నటించనున్నట్లు మంగళవారం మేకర్స్‌ అధికారిక ప్రకటనలో పేర్కొంది. ఎం.ఎస్‌.సుబ్బలక్ష్మి జీవిత కథని తెరపైకి తీసుకురాబోతున్నట్లు కొన్ని రోజులుగా వార్తలు వస్తోన్న సంగతి తెలిసిందే. ‘ఎం.ఎస్‌.సుబ్బులక్ష్మి అమ్మ’ పేరుతో ఈ బయోపిక్‌ రూపొందనుంది. సుబ్బులక్ష్మి 116వ జయంతిని పురస్కరించుకొని సెప్టెంబర్‌ 16న ఈ బయోపిక్‌ను ప్రారంభించనున్నట్లు నిర్మాతలు తెలిపారు. చెన్నై వేదికగా గ్రాండ్‌ ఈవెంట్‌ను నిర్వహించనున్నారు. ఈ కార్యక్రమానికి అగ్రకథానాయకుడు కమల్‌ హాసన్‌ ముఖ్య అతిథిగా హాజరుకానున్నట్లు తెలిపారు. ఈ ప్రతిష్ఠాత్మక సినిమాకు గౌతమ్‌ తిన్ననూరి దర్శకత్వం వహిస్తుండగా, అనిరుధ్‌ సంగీతం అందించనున్నారు. మొదట ఈ పాత్ర కోసం రుక్మిణి వసంత్‌, సాయిపల్లవి, కీర్తి సురేష్‌లను సంప్రదించగా.. చివరిక రష్మిక ను ఎంపిక చేశారు. ఇప్పటికే లుక్‌ టెస్ట్‌ కూడా నిర్వహించినట్లు తెలిపారు.