అల్లు అర్జున్‌ 23వ సినిమాకు సన్నాహాలు

అల్లు అర్జున్‌ తన 23వ సినిమాకు సన్నాహాలు ప్రారంభించారు. దర్శకుడు లోకేష్‌ కనగరాజ్‌తో తెరకెక్కనున్న చిత్రానికి సంబంధించిన లుక్‌ టెస్ట్‌, ప్రీ ప్రొడక్షన్‌ పనులు ముంబైలో జరుగుతున్నాయి. ప్రస్తుతం ‘రాకా’ చిత్రీకరణకు విరామం రావడంతో అల్లు అర్జున్‌ ఈ పనులపై దృష్టి సారించినట్లు తెలుస్తోంది. అల్లు అర్జున్‌ హీరోగా నటిస్తున్న ‘రాకా’కు తమిళ దర్శకుడు అట్లీ దర్శకత్వం వహిస్తుండగా, సన్‌ పిక్చర్స్‌ పతాకంపై కళానిధి మారన్‌ నిర్మిస్తున్నారు. ప్రస్తుతం ఈ సినిమా చిత్రీకరణ ముంబైలో సాగుతోంది. 23వ చిత్రంలో అల్లు అర్జున్‌ కొత్త గెటప్‌లో కనిపించనున్నారు. పాత్రకు సంబంధించిన లుక్‌ను ఖరారు చేసే పనిలో చిత్రబృందం నిమగ్నమైంది. ఈ ఏడాదే ఈ సినిమా చిత్రీకరణ ప్రారంభం కానుంది.