Print Editionట్రుజోన్ సోలార్‌లో వి చాముండేశ్వరనాథ్ పెట్టుబడులు

హైదరాబాద్‌ : సౌరశక్తి రంగంలో రాణిస్తోన్న ట్రుజోన్ సోలార్ లో బిసిసిఐ అపెక్స్ కౌన్సిల్ సభ్యుడు వి చాముండేశ్వరనాథ్ రూ.2.25 కోట్ల పెట్టుబడి పెట్టారు. ఇప్పటికే పలువురు ప్రముఖ క్రికెటర్లు భాగస్వాములుగా ఉన్న ఈ సంస్థలో తన పెట్టుబడి ద్వారా దేశంలో సౌరశక్తి వినియోగాన్ని మరింత ప్రోత్సహించడమే లక్ష్యమని ఆయన తెలిపారు. ఈ నిధులతో సంస్థ తన విస్తరణ ప్రణాళికలను మరింత వేగవంతం చేయడానికి వీలుంది. సన్‌టెక్ ఎనర్జీ సిస్టమ్స్ కీలక బ్రాండ్ అయిన ట్రుజోన్ సోలార్‌లో ఇప్పటికే సచిన్ టెండూల్కర్, సూర్యకుమార్ యాదవ్, తిలక్ వర్మ వంటి ప్రముఖ క్రికెటర్లు పెట్టుబడిదారులుగా ఉన్నారు.