వైఎస్‌ జగన్‌ను కలిసిన మాజీ మంత్రి సీదిరి అప్పలరాజు

ప్రజాశక్తి-తాడేపల్లి: వైసిపి కేంద్ర కార్యాలయంలో వైఎస్‌ జగన్‌మోహన్‌రెడ్డిని మాజీ మంత్రి డాక్టర్‌ సీదిరి అప్పలరాజు కుటుంబ సభ్యులతో మర్యాదపూర్వకంగా కలిశారు. సీదిరి అప్పలరాజు ఓ కేసులో అరెస్టై 23 రోజుల పాటు శ్రీకాకుళం జైలులో ఉన్న విషయం తెలిసిందే. అప్పలరాజుతో మాట్లాడి జగన్‌ వివరాలు తెలుసుకున్నారు. ఈ సందర్భంగా ఆయనకు ధైర్యం చెప్పారు. రాజకీయంగా ఎన్ని ఇబ్బందులు ఎదురైనా ధైర్యంగా ఉండాలని, పార్టీ విధాలా అండగా ఉంటుందని జగన్‌ భరోసా ఇచ్చారు. కుటుంబ సభ్యులకు కూడా ధైర్యం చెప్పి, పార్టీ నుంచి పూర్తి సహకారం ఉంటుందని స్పష్టం చేశారు.