స్వేచ్ఛా దర్శనం

ఏ అనంతం నుంచో
అనాలోచితంగా రాలిపడేది కాదు,
ఆకాశం కురిపించే కరుణా కాదు!
​గూటి గోడల మధ్య
నిశ్శబ్దంగా గడిచిన ప్రతి క్షణమూ,
సంకెళ్ల బిగుతును తాకి
గాయపడిన ప్రతి స్పర్శకూ ఒక అర్థముంది!
​
బంధనపు గాఢాంధకార లోతుల్లో
నిజస్వరూపాన్ని దర్శించుకున్నాక,
అదే చైతన్యపు గుళిక
అంతరంగాన్ని శుభ్రం చేస్తుంది.
​
బాహ్య ప్రపంచపు హద్దులన్నింటినీ దాటి,
ఏ వైపు సాగాలో నిర్ధారిస్తుంది.
ఇదే నిజం!
​
చీకటి–వెలుగుల సంభ్రమ కాంతిలో
తనను తాను ఆవిష్కరించుకోవడమే
నిజమైన స్వేచ్ఛ.
​
- వైష్ణవి శ్రీ
​80742 10263