న్యూఢిల్లీ:
ఢిల్లీలో కేంద్ర బలగాల అణచివేతకు వ్యతిరేకంగా నిరసనలు తీవ్రమవుతున్న వేళ, దేశ రాజధానిలో నేడు కూడా కఠినమైన ఆంక్షలు కొనసాగనున్నాయి. మొత్తం ఆరు మెట్రో స్టేషన్లను మూసివేస్తున్నట్లు ఢిల్లీ మెట్రో రైల్ కార్పొరేషన్ (డీఎంఆర్సీ) ప్రకటించింది.
సోమవారం ఉదయం 6 గంటల నుంచి సాయంత్రం 4 గంటల వరకు ఈ ఆంక్షలు అమల్లో ఉంటాయని తెలిపింది. ప్రజల రాకపోకలకు ఎలాంటి అంతరాయం కలిగించకూడదనే సుప్రీంకోర్టు ఆదేశాలు అమల్లో ఉన్నప్పటికీ, ఆంక్షలు మరింత కఠినతరం చేయడం గమనార్హం. సుప్రీంకోర్టు వైపు విపక్షాలు నేడు మార్చ్ నిర్వహించనున్న తరుణంలో ఈ ఆంక్షలు ప్రాధాన్యత సంతరించుకున్నాయి. మరోవైపు, ఈ ఆరు మెట్రో స్టేషన్లలోనూ ఇంటర్‌చేంజ్ (మరో రూట్‌కు మారే) సౌకర్యం యథావిధిగా కొనసాగుతుందని డీఎంఆర్సీ స్పష్టం చేసింది.
మూసివేసిన మెట్రో స్టేషన్లు ఇవే:
* రాజీవ్ చౌక్
* పటేల్ చౌక్
* సెంట్రల్ సెక్రటేరియట్
* మండి హౌస్
* జన్ పథ్
* బారాఖంబా రోడ్
కామెంట్‌లు (0)