జపాన్ వేదికగా జరుగుతున్న ఆసియా క్రీడల్లో భారత అథ్లెట్, ఆర్మీ హవల్దార్ సావన్ బర్వాల్ చరిత్ర సృష్టించాడు. పురుషుల మారథాన్లో రజత పతకం సాధించి 44 ఏళ్ల తర్వాత భారత్కు ఈ విభాగంలో పతకాన్ని అందించాడు. శనివారం జరిగిన పురుషుల మారథాన్లో హిమాచల్ప్రదేశ్కు చెందిన 28 ఏళ్ల సావన్ బర్వాల్ 2:11:37 గంటల్లో రేసును పూర్తి చేసి రెండో స్థానంలో నిలిచాడు. రేసు ప్రారంభం నుంచే ఆధిపత్యం ప్రదర్శించిన సావన్.. 35 కిలోమీటర్ల వరకు ముందంజలో ఉన్న ప్రధాన బృందంలో కొనసాగాడు. చివరి ఏడు కిలోమీటర్లలో వేగం పెంచి రజత పతకాన్ని సొంతం చేసుకున్నాడు.
జపాన్కు చెందిన ఇచితాకా యమషితా 2:10:49 గంటల్లో రేసును పూర్తి చేసి స్వర్ణ పతకం సాధించాడు. చైనాకు చెందిన పేయూ కాంస్య పతకాన్ని దక్కించుకున్నాడు. భారత ఆర్మీలో హవల్దార్గా పనిచేస్తున్న సావన్ బర్వాల్ సాధించిన ఈ రజతంతో ఆసియా క్రీడల మారథాన్లో భారత్ 44 ఏళ్ల తర్వాత మళ్లీ పతకం సాధించింది.
కామెంట్లు (0)