సోమవారం, 16 నవంబర్ 2026E-PAPER
మ్యాగజైన్స్

Print Editionరంగుల లోకంలో విహరిస్తూ....

15 గంటల క్రితం

బొమ్మ 1.jpg
వెబ్ డెస్క్

ప్రచురించబడింది నవం 15, 2026, 02:02 అపరాహ్నం | 1 నిమిషాల చదవడం

హాయ్‌ ఫ్రెండ్స్‌!

రంగులంటే నాకు ఎంతో ఇష్టం. చిన్నప్పటి నుంచే బొమ్మల ప్రపంచం నన్ను ఎంతగానో ఆకర్షించేది. తెల్లని కాగితంపై రంగురంగుల గీతలు గీస్తూ, వాటికి అందమైన రంగులు అద్దుతుంటే ఏదో తెలియని ఆనందం కలుగుతుంది. ఎవరూ ప్రత్యేకంగా నేర్పకపోయినా, నా ఆసక్తే నాకు తొలి గురువైంది. అలా నచ్చిన బొమ్మలను గీయడం మొదలుపెట్టి, క్రమంగా ఎన్నో చిత్రాలను వేయడం నేర్చుకున్నాను. ప్రకృతి అందాలంటే నాకు ప్రత్యేకమైన ఇష్టం. పచ్చని చెట్లు, విరబూసిన పూలు, రంగురంగుల సీతాకోకచిలుకలు, ఆకాశంలో ఎగిరే పక్షులు, కొండలు, నదులు.. ఇలా ప్రకృతిలోని ప్రతి అందమైన దృశ్యం నా మనసులో ఓ చిత్రంగా నిలిచిపోతుంది. ఎక్కడికైనా వెళ్లినప్పుడు పరిసరాలను నిశితంగా గమనిస్తాను. మనసుకు నచ్చిన దృశ్యాలను కాగితంపై చిత్రాలుగా మలుస్తాను. ఒక్కో రంగు మరో రంగుతో కలిసినప్పుడు కొత్త అందం ఆవిష్కృతమవడం నాకు ఎంతో ఆసక్తిని కలిగిస్తుంది. పిల్లలను మురిపించే అందమైన బొమ్మలు గీయడమూ నాకు చాలా ఇష్టం. బొమ్మలు గీయడం నాకు కేవలం కాలక్షేపం మాత్రమే కాదు.. నా మనసులోని భావాలను రంగుల రూపంలో వ్యక్తం చేసే ఒక చక్కని కళ. ప్రతి కొత్త చిత్రం నాకు కొత్త అనుభూతిని, మరెన్నో విషయాలను నేర్పుతుంది. ఇంకా ఎన్నో అద్భుతమైన చిత్రాలు గీయాలని, కొత్త కొత్త రంగుల కలయికలతో నా చిత్రాలకు మరింత అందాన్ని అద్దాలని కోరుకుంటున్నాను. నా చిత్రలేఖన ఆసక్తికి మా అమ్మానాన్నల ప్రోత్సాహం ఎంతో తోడ్పడుతోంది. వారు ఇచ్చే ప్రోత్సాహం నాకు కొండంత బలాన్నిస్తోంది. భవిష్యత్తులో మంచి చిత్రకారుడిగా ఎదిగి, నా కుంచె నుంచి జాలువారే రంగుల చిత్రాలతో అందరి మనసుల్లో ఆనందాన్ని నింపాలన్నదే నా కల.

బొంతు సాహేత్_ .jpg

బొంతు సోహిత్‌

7వ తరగతి, చైతన్య టెక్నో స్కూల్‌,

సఖినేటిపల్లి,

డాక్టర్‌ బి.ఆర్‌. అంబేద్కర్‌ కోనసీమ జిల్లా.

​


ట్యాగ్‌లు

సంబంధిత వార్తలు

కామెంట్‌లు (0)

హోమ్