కామ్రేడ్ యార్లగడ్డ జోయ భౌతికాయానికి ఎమ్మెల్యే వసంత కృష్ణప్రసాదు నివాళి

అమరావతి : సిపిఐ(ఎం) నందిగామ డివిజన్ నాయకురాలు, రాష్ట్ర రైతు సంఘం సభ్యురాలు కామ్రేడ్ యార్లగడ్డ జోయ మృతికి మైలవరం శాసనసభ్యులు వసంత వెంకట కృష్ణప్రసాదు ప్రగాఢ సంతాపం వ్యక్తం చేశారు. ఆమె మరణవార్త తెలుసుకుని అమరావతి ఐకాన్, బి-బ్లాక్-201లో ఉంచిన యార్లగడ్డ జోయ పార్థీవ దేహాన్ని ఎమ్మెల్యే వసంత కృష్ణప్రసాదు మంగళవారం సందర్శించి పూలమాలలు వేసి ఘనంగా నివాళులర్పించారు. కుటుంబ సభ్యులను పరామర్శించి ప్రగాఢ సానుభూతి తెలిపారు. ఈ సందర్భంగా జోయ ప్రజా ఉద్యమాలు, రైతు సమస్యల పరిష్కారం కోసం చేసిన సేవలను ఎమ్మెల్యే వసంత కృష్ణప్రసాదు స్మరించుకున్నారు. ప్రజల కోసం అంకితభావంతో పనిచేసిన యార్లగడ్డ జోయ మరణం ప్రజా ఉద్యమాలకు తీరని లోటని పేర్కొన్నారు.