- నోటిఫికేషన్లు జారీ
అమరావతి: పోలీసు ఉద్యోగాల కోసం ఎదురుచూస్తున్న నిరుద్యోగులకు ఆంధ్రప్రదేశ్ ప్రభుత్వం శుభవార్త చెప్పింది. రాష్ట్రంలోని పోలీసు, అగ్నిమాపక, జైళ్లు, ఫోరెన్సిక్ తదితర విభాగాల్లో భారీగా ఉద్యోగాల భర్తీకి చర్యలు చేపట్టింది. 2026 జాబ్ క్యాలెండర్లో భాగంగా మొత్తం 2,050 పోస్టుల భర్తీకి ఆంధ్రప్రదేశ్ స్టేట్ లెవల్ పోలీస్ రిక్రూట్మెంట్ బోర్డు (APSLPRB) నోటిఫికేషన్లు జారీ చేసింది.
438 ఎస్ఐ పోస్టులు
మొత్తం 438 సబ్ ఇన్స్పెక్టర్ పోస్టులు ఉన్నాయి. వీటిలో సివిల్ విభాగంలో 253, ఆర్మ్డ్ రిజర్వ్లో 116, స్పెషల్ ప్రొటెక్షన్ ఫోర్స్లో 9, కమ్యూనికేషన్స్లో 50, పోలీస్ ట్రాన్స్పోర్ట్ ఆర్గనైజేషన్లో 10 పోస్టులు ఉన్నాయి.
1,156 కానిస్టేబుల్ పోస్టులు
కానిస్టేబుల్ విభాగంలో మొత్తం 1,156 పోస్టులు ఉన్నాయి. వీటిలో సివిల్ కానిస్టేబుల్స్ 542, ఆర్మ్డ్ రిజర్వ్ కానిస్టేబుల్స్ 285 పోస్టులు ఉన్నాయి. అలాగే పోలీస్ కమ్యూనికేషన్ విభాగంలో 200 కానిస్టేబుల్ పోస్టులు ఉన్నాయి.
ఫైర్, జైళ్లు, ఇతర పోస్టులు
విపత్తు నిర్వహణ, అగ్నిమాపక శాఖలో 158 ఫైర్మెన్ పోస్టులు భర్తీ చేయనున్నారు. జైళ్లు, కరెక్షనల్ సర్వీసెస్ విభాగంలో 150 పురుష వార్డర్, 21 మహిళా వార్డర్ పోస్టులు ఉన్నాయి. పోలీస్ ట్రాన్స్పోర్ట్ ఆర్గనైజేషన్లో 198 డ్రైవర్, 15 మెకానిక్ పోస్టులు ఉన్నాయి.
ఫోరెన్సిక్ సైన్స్ లేబొరేటరీలో 43 సైంటిఫిక్ అసిస్టెంట్ పోస్టులు ఉన్నాయి. వీటిలో ఫిజికల్ విభాగంలో 10, కెమికల్ విభాగంలో 13, బయాలజీ/సెరాలజీ విభాగంలో 20 పోస్టులు ఉన్నాయి.
దరఖాస్తులు ఎప్పుడు?
ఈ ఉద్యోగాలకు సంబంధించిన ఆన్లైన్ దరఖాస్తు ప్రక్రియ, ప్రిలిమినరీ రాత పరీక్ష తేదీలను APSLPRB ప్రత్యేకంగా ప్రకటించనుంది. అభ్యర్థులు అధికారిక నోటిఫికేషన్లో పోస్టుల వారీగా అర్హతలు, వయోపరిమితి, రిజర్వేషన్లు, పరీక్ష విధానం, దరఖాస్తు తేదీలను పరిశీలించి దరఖాస్తు చేసుకోవాలి.
పోస్టుల వివరాలు :
సబ్ ఇన్స్పెక్టర్ (SI): 438 పోస్టులు
పోలీస్ కానిస్టేబుల్: 1,156 పోస్టులు
ఫైర్మెన్: 158 పోస్టులు
వార్డర్ (పురుషులు): 150 పోస్టులు
వార్డర్ (మహిళలు): 21 పోస్టులు
పోలీస్ కమ్యూనికేషన్ కానిస్టేబుల్: 200 పోస్టులు
డ్రైవర్: 198 పోస్టులు
మెకానిక్: 15 పోస్టులు
సైంటిఫిక్ అసిస్టెంట్: 43 పోస్టులు
-----------------------------------
మొత్తం = 2,050
కామెంట్లు (0)