Print Editionఓటు వేసిన స్వాతంత్ర్య సమరయోధురాలు

ప్రజాశక్తి - రాంబిల్లి (అనకాపల్లి జిల్లా) : అనకాపల్లి జిల్లా రాంబిల్లి మండలంలో వయోభారాన్ని సైతం లెక్కచేయకుండా 110 ఏళ్ల వయస్సులో ఓ స్వాతంత్య్ర సమరయోధురాలు తన ఓటు హక్కును వినియోగించుకుని ప్రజాస్వామ్యంపై తనకున్న నిబద్ధతను చాటుకున్నారు. దిమిలి గ్రామానికి చెందిన ఆమె పేరు డబ్బీరు ఆదిలక్ష్మి. గురువారం దిమిలిలోని పోలింగ్ కేంద్రం నెంబర్‌ 13/10లో ఓటు వేశారు. ఆమె స్వయంగా ఓటరు స్లిప్ ద్వారా తన వివరాలను తెలుసుకుని, పోలింగ్ కేంద్రానికి వచ్చి ఓటు వేశారు. ఆమె మాట్లాడుతూ.. తన జీవితంలో ఇప్పటివరకు జరిగిన ప్రతి ఎన్నికలోనూ ఓటు హక్కును వినియోగించుకున్నానని ఆనందం వ్యక్తం చేశారు.