పవన్ కళ్యాణ్ కు "యల్లటూరు" సాదర స్వాగతం

ప్రజాశక్తి - రాజంపేట : "జల జీవన్ మిషన్ - అమరజీవి జల ధార" శంకుస్థాపన కార్యక్రమానికి ప్రొద్దుటూరుకు విచ్చేసిన జనసేన పార్టీ అధినేత, రాష్ట్ర ఉప ముఖ్యమంత్రి కొణిదెల పవన్ కళ్యాణ్ కు జనసేన పార్టీ రాజంపేట పార్లమెంట్ ఇంచార్జి యల్లటూరు శ్రీనివాసరాజు సాదర స్వాగతం పలికారు. ఈ సందర్భంగా పవన్ కళ్యాణ్ శ్రీనివాసరాజును ఆత్మీయంగా పలకరించి స్థానిక తాజా రాజకీయ పరిణామాలను అడిగి తెలుసుకున్నారు. రానున్న స్థానిక సంస్థల ఎన్నికల్లో జనసేన సత్తా చాటాలని, ఇందుకు గ్రామీణ స్థాయి నుంచి సమాయత్తం అయ్యేలా చూడాలని సూచించినట్లు యల్లటూరు శ్రీనివాసరాజు తెలియజేశారు.