బిజినెస్‌ రియాలిటీ షో హోస్ట్‌గా మాధవన్‌

దుబాయ్‌ : నటుడు మాధవన్‌ బిజినెస్‌ రియాలిటీ షోకు హోస్ట్‌గా వ్యవహరించనున్నారు. త్వరలో ప్రారంభం కానున్న ‘ది గేమ్‌ ఛేంజర్స్‌: మిడిల్‌ ఈస్ట్‌’ కార్యక్రమానికి ఆయన హోస్ట్‌గా వ్యవహరించనున్నారు. ఈ కార్యక్రమాన్ని రూపొందిస్తున్న ఆప్టిమిస్టిక్స్‌ ఎంటర్‌టైన్‌మెంట్‌ ఇండియా సంస్థ సోమవారం అధికారికంగా ఈ విషయాన్ని ప్రకటించింది. ఈ షోలో వివిధ దేశాలకు చెందిన స్టార్టప్‌ ఫౌండర్లు కంటెస్టెంట్లుగా పాల్గొని, అంతర్జాతీయ ఇన్వెస్టర్ల ప్యానల్‌ ముందు తమ వ్యాపార ఆలోచనలను వివరిస్తారు. ప్రస్తుతం దుబాయ్‌ కేంద్రంగా ఈ షోను నిర్వహించనున్నారు. అనంతరం ఇతర ప్రాంతాలకు విస్తరించే ఆలోచన ఉందని నిర్మాణ సంస్థ తెలిపింది. త్వరలోనే చిత్రీకరణను ప్రారంభించనున్నట్లు పేర్కొంది. ప్రస్తుతం మాధవన్‌ ‘ధురంధర్‌’, ‘జి.డి.ఎన్‌’ చిత్రాల్లో తన నటనతో ప్రేక్షకులను మెప్పించిన సంగతి తెలిసిందే.