విజయవాడ: చీఫ్ ఎలక్షన్ కమిషనర్ జ్ఞానేష్ ను తొలగించాలని, సర్ ప్రక్రియను నిలిపివేయాలని ఈ రోజు అక్టోబర్ 10న రాష్ట్ర వామపక్ష పార్టీలు విజయవాడలో నిర్వహిస్తున్న ఛలో రాజ్ భవన్ కార్యక్రమాన్ని భగ్నం చేస్తూ వామపక్ష నాయకులను ప్రజాసంఘాల నాయకులు అరెస్టులు చేశారు. ఈ అక్రమ అరెస్టులను వామపక్షాల నేతలు ఖండించారు.
ప్రజాస్వామ్య హక్కులను కాపాడాలని డిమాండ్ చేస్తూ చేపట్టిన ఛలో లోక్భవన్ కార్యక్రమంలో ఎస్ఎఫ్ఐ రాష్ట్ర ఉపాధ్యక్షులు బి. రవి చేతికి గాయాలయ్యాయి.
నిరసనలో ఇద్దరు విద్యార్థులకు అస్వస్థత
నిరసనలో పాల్గొన్న విద్యార్థి సంఘ నాయకులు ఇద్దరు అస్వస్థతకు గురైయ్యారు. దీంతో విజయవాడ కొత్త ప్రభుత్వ ఆసుపత్రిలో చికిత్స పొందుతున్నారు. సిపిఎం నాయకులు జైరాం ఆసుపత్రికి వెళ్లి వారిని పరామర్శించారు.
విజయవాడ : సిఈసి జ్ఞానేశ్ కుమార్ రాజీనామా చేయాలని, సర్‌ను రద్దు చేయాలని డిమాండ్ చేస్తూ అఖిలపక్షాలు మరియు ప్రజాసంఘాల ఆధ్వర్యంలో ఛలో లోక్భవన్ కార్యక్రమంలో పాల్గొన్న సిపిఎం రాష్ట్ర కార్యదర్శి వి శ్రీనివాసరావును పోలీసులు అరెస్టు చేశారు.
విజయవాడ : సిఈసి జ్ఞానేశ్ కుమార్ రాజీనామా చేయాలని, సర్‌ను రద్దు చేయాలని డిమాండ్ చేస్తూ అఖిలపక్షాలు మరియు ప్రజాసంఘాల ఆధ్వర్యంలో ఛలో లోక్భవన్ కార్యక్రమంలో పాల్గొన్న నాయకులు, కార్యకర్తలను అరెస్టు చేస్తున్న పోలీసులు
విజయవాడలోని అలంకార్ సెంటర్ దగ్గర ఎస్ఎఫ్ఐ, డివైఎఫ్ఐ, పలు ప్రజా సంఘాల నాయకులు కార్యకర్తలు నిరసన చేపట్టారు .
గుంటూరు (తాడేపల్లి) : విజయవాడ చలో లోక్ భవన్ కు అనుమతి లేదంటూ ఎంటిఎంసీ పరిధిలోని గుండిమెడ గ్రామంలో సిపిఎం తాడేపల్లి మండల కార్యదర్శి పల్లె కృష్ణను ఇంటి వద్ద అడ్డుకొన్న తాడేపల్లి పోలీసులు.
మంగళగిరి రూరల్ ఎర్రబాలెంలో సిపిఎం రాజధాని డివిజన్ కార్యదర్శి ఎం రవి ఇంటి వద్దకు పోలీసులు చేరుకొని విజయవాడ కార్యక్రమానికి వెళ్ళరాదు అంటూ పేర్కొన్నారు.
విజయవాడ : లోక్ భవన వద్ద మోహరించిన పోలీసులు, ఏర్పాటు చేసిన కంచె, బారికేడ్లు
విజయవాడ : ఎన్టీఆర్ జిల్లా వ్యాప్తంగా సిపిఎం, ప్రజాసంఘాల నాయకుల ముందస్తు అరెస్టులు. విజయవాడ నగరంలోనే కాకుండా ఎన్టీఆర్ కృష్ణ జిల్లాల్లో కూడా పోలీసులు గృహ నిర్బంధం చేస్తున్నారు ఎన్టీఆర్ జిల్లా తిరువూరులో సిపిఎం నేత బి.వెంకటేశ్వరరావును, ఏ కొండూరులో జట్టి వెంకటేశ్వరావును ముందస్తు అరెస్టు చేసిన పోలీసులు. విజయవాడలో కెవిపిఎస్ నాయకులు క్రాంతి, ఎస్ఎఫ్ఐ రాష్ట్ర కార్యదర్శి ప్రసన్న కుమార్ ను అరెస్టు చేసిన పోలీసులు.
సిపిఎం నేత కే దుర్గారావును అడ్డుకున్న పోలీసులు, అజిత్ సింగ్ నగర్ సిపిఎం కార్యాలయం వద్ద నిరసన తెలుపుతున్న దుర్గారావు, సిఐటియు ఎన్టీఆర్ జిల్లా అధ్యక్షుడు, ఏ వెంకటేశ్వరరావును హౌస్ అరెస్ట్ చేసిన పోలీసులు.
విజయవాడలో ముందస్తు అరెస్టులు, పోలీసుల నిర్బంధం
విజయవాడ: ఎన్నికల ప్రధాన అధికారి జ్ఞానేష్ కుమార్ రాజీనామా చేయాలని కోరుతూ నగరంలో చేపట్టిన నేడు జరగనున్న ‘చలో లోక్భవన్’ కార్యక్రమాన్ని అడ్డుకునేందుకు పోలీసులు సీపీఎం నేతలపై ముందస్తు నిర్బంధ చర్యలకు దిగారు. ఈ మేరకు సీపీఎం రాష్ట్ర కార్యదర్శివర్గ సభ్యుడు సీహెచ్‌ బాబూరావు సోషల్ మీడియా వేదికగా పోస్టు చేశారు. పలువురు నాయకులను హౌస్ అరెస్టు చేయగా, మరికొందరి ఇళ్ల వద్ద పోలీసులు మోహరించారు. నగరంలోని పలువురు నేతలకు ఫోన్లు చేసి విచారించడంతో పాటు, బయటకు రావద్దని హెచ్చరిస్తున్నట్లు ఆయన తెలిపారు. తన ఇంటికి అర్ధరాత్రి రెండు గంటల సమయంలో పోలీసులు వచ్చానరని, పాయకాపురం, శాంతినగర్‌ ప్రాంతాల్లో సీపీఎం నేత సీహెచ్‌ శ్రీనివాస్‌ను హౌస్ అరెస్టు చేసి, ఆయన ఇంటి వద్ద పోలీసులు కాపలా కాస్తున్నారని తెలిపారు. మరో నేత బోయి సత్యబాబు ఇంటికి వచ్చిన పోలీసులు ఇంట్లో మహిళలను భయభ్రాంతులకు గురి చేశారు.
ప్రజాశక్తి-తాడికొండ: చలో లోక్ భవన్ కు అనుమతులు లేవంటూ రైతు సంఘం మండల కార్యదర్శి చింతల భాస్కరరావును అర్ధరాత్రి అదుపులోకి తీసుకున్న పోలీసులు. చీఫ్ ఎలక్షన్ కమిషనర్ జ్ఞానేష్ కుమార్ రాజీనామా చేయాలంటూ ప్రజాసంఘాలు చలో లోక్ భవన్ కు పిలుపునిచ్చిన నేపథ్యంలో ఆయన ఇంటిలో నుండి అదుపులోకి తీసుకున్న పోలీసులు. వ్యవసాయ కార్మిక సంఘం జిల్లా ఉపాధ్యక్షుడు గుర్రంకొండ సత్యానందంను అదుపులోకి తీసుకున్న పోలీసులు.
తుళ్లూరు పోలీస్ స్టేషన్ లో కెవిపిఎస్ జిల్లా కార్యదర్శి జె నవీన్ ప్రకాష్
ప్రజాశక్తి - తుళ్లూరు: 'చలో లోక్ భవన్' కార్యక్రమంలో పాల్గొనకుండా కెవిపిఎస్ జిల్లా కార్యదర్శి జొన్నకూటి నవీన్ ప్రకాష్ ను పోలీసులు అదుపులోకి తీసుకున్నారు. శనివారం తెల్లవారుజామున తుళ్లూరులోని ఆయన ఇంటికి వెళ్లి అదుపులోకి తీసుకొని పోలీస్ స్టేషన్ కు తరలించారు.
సీపీఎం రాష్ట్ర కార్యాలయం వద్ద భారీగా పోలీసుల మోహరింపు
విజయవాడ: ‘చలో లోక్భవన్’ కార్యక్రమాన్ని అడ్డుకునేందుకు విజయవాడలోని గవర్నర్‌పేటలో ఉన్న సీపీఎం రాష్ట్ర కార్యాలయం వద్ద పోలీసులు భారీగా మోహరించారు. కార్యక్రమంలో పాల్గొనేందుకు వచ్చే నాయకులు, కార్యకర్తలను అడ్డుకునేందుకు పోలీసులు బందోబస్తు ఏర్పాటు చేసినట్లు సీపీఎం వర్గాలు పేర్కొన్నాయి. ఎన్నికల కమిషన్‌ అక్రమాలను ప్రశ్నించాల్సిన చంద్రబాబు, పవన్‌ కల్యాణ్‌, టీడీపీ, జనసేన నేతృత్వంలోని కూటమి ప్రభుత్వం అందుకు భిన్నంగా వ్యవహరిస్తోందని సీపీఎం నేతలు విమర్శించారు. ఎన్నికల కమిషన్‌ చర్యలను ప్రశ్నిస్తూ ప్రజాస్వామ్యబద్ధంగా ఉద్యమిస్తున్న రాజకీయ పార్టీలు, ప్రజాసంఘాలపై నిర్బంధాన్ని ప్రయోగించడం సిగ్గుచేటని మండిపడ్డారు. ప్రజాస్వామ్య హక్కులను పరిరక్షించాలని, ఎన్నికల ప్రక్రియలో అక్రమాలపై ప్రశ్నలకు సమాధానాలు చెప్పాలని డిమాండ్ చేస్తూ చేపట్టిన ఆందోళనలను అడ్డుకోవడం సరికాదని సీపీఎం నేతలు పేర్కొన్నారు. శాంతియుత నిరసనలకు అవకాశం కల్పించాలని డిమాండ్ చేశారు.
కామెంట్‌లు (0)