న్యూఢిల్లీ : వేర్వేరు హైకోర్టులకు నలుగురు న్యాయమూర్తులను ప్రధాన న్యాయమూర్తులుగా పదోన్నతి కల్పించాలని సుప్రీంకోర్టు కొలీజియం సిఫార్సు చేసింది. సుప్రీంకోర్టు ప్రధాన న్యాయమూర్తి జస్టిస్ సూర్యకాంత్ నేతృత్వంలోని కొలీజియం గురువారం జరిగిన సమావేశంలో ఈ నిర్ణయం తీసుకుంది.
ప్రస్తుతం ఢిల్లీ హైకోర్టులో పనిచేస్తున్న జస్టిస్ వి. కామేశ్వర రావును పాట్నా హైకోర్టు ప్రధాన న్యాయమూర్తిగా పదోన్నతికి సిఫార్సు చేయగా, బాంబే హైకోర్టు న్యాయమూర్తిగా ఉన్న జస్టిస్ రవీంద్ర వి. ఘుగేను కోల్కత్తా హైకోర్టు ప్రధాన న్యాయమూర్తిగా పదోన్నతికి సిఫార్సు చేశారు.
అలహాబాద్ హైకోర్టు న్యాయమూర్తి జస్టిస్ మహేష్ చంద్ర త్రిపాఠి బాంబే హైకోర్టు ప్రధాన న్యాయమూర్తిగా నియమితులయ్యారు. పంజాబ్ మరియు హర్యానా హైకోర్టు న్యాయమూర్తి జస్టిస్ అశ్వనీ కుమార్ మిశ్రాను దాని ప్రధాన న్యాయమూర్తిగా సిఫార్సు చేశారు.
హైకోర్టులకు చెందిన ఇద్దరు న్యాయమూర్తుల బదిలీని కొలీజియం సిఫార్సు చేసింది. ప్రస్తుతం ఒడిశా హైకోర్టులో విధులు నిర్వర్తిస్తున్న జస్టిస్ మానష్ రంజన్ పాఠక్ గుజరాత్కు బదిలీ అయ్యారు. అదే హైకోర్టుకు చెందిన జస్టిస్ కృష్ణ రామ్ మహాపాత్ర ఛత్తీస్గఢ్ హైకోర్టుకు బదిలీ అయ్యారు
కామెంట్లు (0)