ఢిల్లీ యూనివర్సిటీ విద్యార్థి సంఘం ఎన్నికల పోలింగ్ ప్రారంభం

న్యూఢిల్లీ : ఢిల్లీ యూనివర్సిటీ స్టూడెంట్స్‌ యూనియన్‌ (డిఎస్‌డియు) ఎన్నికలు శుక్రవారం ప్రారంభమయ్యాయి. ఎస్‌ఎఫ్‌ఐ, ఎన్‌ఎస్‌యుఐ, ఎఐఎస్‌ఎ, ఎబివిపి కూటముల మధ్య తీవ్ర పోటీ నెలకొంది. నాలుగు కేంద్ర ప్యానెల్‌ పదవులతో పాటు కళాశాల ప్రతినిధుల ఎన్నికకు పోలింగ్‌ నిర్వహిస్తున్నారు. ఉదయం నుంచి మధ్యాహ్నం 1 గంట వరకు, సాయంత్రం కళాశాలల్లో మధ్యాహ్నం 3 నుంచి రాత్రి 7.30 గంటల వరకు పోలింగ్‌ కొనసాగనుంది. మొత్తం 1,000 ఇవిఎంలను ఏర్పాటు చేయగా, 960 వినియోగంలోకి తెచ్చారు. ఓట్ల లెక్కింపు శనివారం జరగనుంది. విద్యార్థుల సంక్షేమం, క్యాంపస్‌ వసతులు, హాస్టల్‌ సౌకర్యాలు, భద్రత ప్రధాన ఎన్నికల అంశాలుగా నిలిచాయి.