సైబర్‌ట్రక్‌ ఉత్పత్తికి టెస్లా స్వస్తి..

వాషింగ్టన్‌ : టెస్లా తన సైబర్‌ట్రక్‌ ఉత్పత్తిని 2027 ఏప్రిల్‌–జూన్‌ త్రైమాసికం నాటికి నిలిపివేసి.. ఆ తయారీ సామర్థ్యాన్ని సైబర్‌క్యాబ్‌ రోబోట్యాక్సీ ఉత్పత్తికి మళ్లించాలని నిర్ణయించినట్లు సమాచారం. టెక్సాస్‌ గిగాఫ్యాక్టరీలో సైబర్‌ట్రక్‌ తయారీ నిలిపివేతతో కొత్త వాహనానికి ఉత్పత్తి సామర్థ్యం అందుబాటులోకి రానుంది. సైబర్‌ట్రక్‌ నాణ్యత సమస్యలు, రీకాల్స్‌, ఆశించిన స్థాయిలో అమ్మకాలు లేకపోవడం ఈ నిర్ణయానికి కారణాలుగా పేర్కొంటున్నారు. 2024లో 38,965గా ఉన్న విక్రయాలు 2025లో 20,237కు తగ్గినట్లు అందించిన గణాంకాలు సూచిస్తున్నాయి. యూరప్‌లో పాదచారుల భద్రతా నిబంధనలకు అనుగుణంగా వాహన రూపకల్పన లేకపోవడం కూడా అక్కడి మార్కెట్‌ అవకాశాలను పరిమితం చేసిందని సమాచారం.