రూపాయికి చమురు భయాలు..

ముంబయి : అంతర్జాతీయ మార్కెట్లో ముడి చమురు ధరలు పెరగడం, భౌగోళిక రాజకీయ ఉద్రిక్తతల కారణంగా అమెరికా డాలర్ బలపడటంతో దేశీయ కరెన్సీ రూపాయి తీవ్ర ఒత్తిడిని ఎదుర్కొంటోంది. గురువారం రూపాయి విలువ మరో 23 పైసలు కోల్పోయి అమెరికా డాలర్‌తో పోలిస్తే 95.96 వద్ద ముగిసింది. ముడి చమురు బ్యారెల్‌ ధరలు 105 డాలర్లకు ‌చేరడం, కొనసాగుతున్న భౌగోళిక రాజకీయ అనిశ్చితి, దేశీయ ఈక్విటీ మార్కెట్లలో భారీ అమ్మకాలు తదితర పరిణామాలు రూపాయి పతనానికి ప్రధాన కారణాలుగా నిలిచాయని ఫారెక్స్ ట్రేడర్లు తెలిపారు.