చిలుకతో చిన్ని ముచ్చట్లు

అలుక ఎందుకే చిలుకా చిలుకా?

పంజరంలో బందీని నేను కనుక

​

పలకవేలా ఓ చిలుకా చిలుకా?

మనసులోన వేదన ఉన్నది కనుక

​

ఎగరవేలా ఓ చిలుకా చిలుకా?

రెక్కలు విప్పి ఎగరలేను కనుక

​

ఏమి కావాలి చిలుకా చిలుకా?

స్వేచ్ఛే నా సంతోషం కనుక

​

నేను చేయుదేమి చిలుకా చిలుకా?

తలుపు తీసి వదిలేయి బాలికా

​

ఎక్కడికి వెళ్తావు చిలుకా చిలుకా?

గూటికి చేరాలి గుడ్లున్నాయి కనుక

​

ఎందుకొరకు చిలుకా చిలుకా?

పొదగాలి వాటిని నేను కనుక

​

మరువవుగా ఓ చిలుకా చిలుకా?

మరువలేను నీ మంచితనం బాలికా

​

విడిచాను పొమ్మిక చిలుకా చిలుకా!

ధన్యవాదాలు బాలికా బాలికా!​

- కాశీ విశ్వనాథం పట్రాయుడు,

ఆంగ్ల ఉపాధ్యాయులు,

శృంగవరపుకోట, 94945 24445.