ఎన్నో.. ఎన్నెన్నో మరి
అన్నీ మధుర స్మృతులే!
ఏవో.. ఏవేవో అవి
ఎదను మెదలు సంగతులే!!
ఐదు నెలల పసిపాపా
అతి మృదువుగ తాను నవ్వె!
పెదవుల చిందినా నవ్వు
వెలుగులు నా మదిని రువ్వె!!
గిలక్కాయ పట్టుకొనీ
కిలకిల నవ్వింది పాప!
పొర్లుతు దొర్లుతు తృటిలో
బోర్లా పడ్డాది పాప!!
పాకుతు దేకుతు వచ్చీ
పాలను తాగింది పాప!
మొదటి మాటగానె పాప
పెదవులు పలికాయి ‘అమ్మ’!!
తడబడు అడుగులు వేస్తూ
నడకలు నేర్చింది పాప!
గోడ పట్టుకొని నడచెను
ఏడాదీ రాకముందె!!
‘‘బాలబంధు’’ అలపర్తి వెంకటసుబ్బారావు
(కేంద్ర సాహిత్య అకాడమీ బాలసాహిత్య పురస్కార గ్రహీత)
94408 05001.
కామెంట్లు (0)