ఎవరన్నారివి నవ్వులని?
ఎదలో మెదిలే మువ్వలివి!
ఎవరన్నారివి దరువులని?
నవరాగం ఆదరువులివి!!
ప్రతిదానిని బహు శ్రద్ధగా
పరిశీలించును ఆసక్తి!
ఆఆ అంటూ మధురముగ
ఆలపించునూ అనురక్తి!
మాటిమాటికీ ‘తాత’యని
మనసును దోచును పెనుయుక్తి!
గడిపిన తనతో కాసేపు
కష్టాల బ్రతుకుకు విముక్తి!
ముదముగ ‘రిషిక’ను ఎత్తుకొని
ఎదపై ప్రేమగ హత్తుకొని
ముద్దులు పెడుతూ వుంటారు
ముచ్చట పెడుతూ వుంటారు!!
(మా ముదిమనుమరాలు ‘రిషిక’ను గురించి)
- ‘బాలబంధు’ అలపర్తి వెంకటసుబ్బారావు
(కేంద్ర సాహిత్య అకాడమీ బాలసాహిత్య పురస్కార గ్రహీత)
9440805001.
కామెంట్లు (0)