కనుల పండువగా నల్లని మబ్బులు,
గగన సీమలో సాగేను పరుగులు.
చిటపట చినుకుల తొలి పలకరింపు,
మదిలో నింపేను కొత్త పులకరింపు.
తడిసిన నేలలో మట్టి పరిమళం,
జీవన వీణపై ఆనంద రాగాల గళం.
చెట్ల ముంగురుల పై జలకాలాటలు,
చిరునవ్వులు చిందించే బాలల పాటలు.
ఎండిన భూమికి దొరికిన వరమిది,
ప్రకృతి అందించిన అందాల హారమిది.
వాన రాకతో మురిసిపోయేను ధరణి,
రైతన్న కళ్లలో వెలిగేను నూతన మణి
గోళ్ళమూడి కృష్ణ సహస్ర
8వ తరగతి, అట్కిన్సన్ సీనియర్ సెకండరీ స్కూల్,
విజయవాడ.
కామెంట్లు (0)