వ్యావహార శైలిలోన
వ్యక్తిత్వం కనిపించును!
నాగరికత గుర్తింపుకు
నడతే అద్దం పట్టును!!
ప్రవర్తనే మన పరిచయ
పత్రం అవుతుంది సదా!
అలవట్లే మన స్వభావ
కొలమానం అగును గదా!!
మనం ఏవి ఇస్తే అవె
మనకు తిరిగివస్తాయీ!
గౌరవ మర్యాదలకూ
క్రమముగ వర్తిస్తాయీ!!
రాళ్లు రువ్వితే మనమూ
రాలవు మనపైన పూలు!
పూలు రువ్వి తేనె మనము
పొందుతాము కొంత మేలు!!
ఎవ్వరినీ ముంచకుండ
ఎడతెగనీ శోకంలో,
విజ్ఞతతో మెలగువారె
వివేకులీ లోకంలో!!
‘’బాలబంధు`` అలపర్తి వెంకట సుబ్బారావు
(కేంద్ర సాహిత్య అకాడమీ బాలసాహిత్య పురస్కార గ్రహీత)
94408 05001
కామెంట్లు (0)