నామినేషన్ పత్రాలను లాక్కెళ్లారంటూ ... మాజీ మంత్రి ఉషశ్రీచరణ్ ధర్నా

ప్రజాశక్తి - పెనుకొండ టౌన్ (అనంతపురం) : పెనుకొండ మండలంలో జరుగుతున్న ఎంపీటీసీ, జడ్పీటీసీ ఎన్నికల నామినేషన్ల నేపథ్యంలో కురుబవాండ్లపల్లి ఎంపీటీసీ స్థానానికి వైసీపీ అభ్యర్థిగా నామినేషన్ వేయడానికి వస్తుండగా ఓబుళప్ప చేతుల్లో వున్న నామినేషన్ పత్రాలను టీడీపీ నాయకులు లాక్కెల్లారని మాజీ మంత్రి ఉషశ్రీ చరణ్ ఆరోపించారు. ఈ సందర్బంగా బుధవారం స్థానిక పోలీస్ స్టేషన్ వద్ద ఆమె వైసీపీ శ్రేణులతో కలసి ధర్నా నిర్వహించారు. అనంతరం సబ్ కలెక్టర్ కార్యాలయం వద్ద డిఏవో రంగనాయకులను కలసి వినతి పత్రం అందజేశారు. ఈ కార్యక్రమంలో వైసీపీ మండల కన్వీనర్ సుధాకర్ రెడ్డి, నాయకులు పొగాకు రామచంద్ర, పార్టీ నాయకులు, కార్యకర్తలు పాల్గొన్నారు.