ఎన్నికల అధికారిపై దాడి.. రౌడీషీటర్‌ రాజేష్‌ అరెస్ట్‌

ప్రజాశక్తి–మదనపల్లె టౌన్‌: మదనపల్లెలో అదనపు ఎన్నికల అధికారి బొరయ్యపై దాడి చేసి, విధులకు ఆటంకం కలిగించిన కేసులో రౌడీషీటర్‌ రాజేష్‌ను టూ టౌన్‌ పోలీసులు అరెస్ట్‌ చేశారు. దొంతి వీధిలోని నామినేషన్‌ కేంద్రంలో సోమవారం మధ్యాహ్నం ఈ ఘటన చోటుచేసుకుందని ఎస్‌ఐ నాగేశ్వరరావు తెలిపారు. నిందితుడిపై గతంలోనే నాలుగు క్రిమినల్‌ కేసులు ఉన్నాయని పేర్కొన్నారు. మంగళవారం ఉదయం రాజేష్‌ను అరెస్ట్‌ చేసి కోర్టులో హాజరుపరచగా, న్యాయమూర్తి 14 రోజుల రిమాండ్‌ విధించినట్లు వెల్లడించారు.