ప్రజాశక్తి 46వ వార్షికోత్సవ సంచిక ఆవిష్కరణ

ప్రజాశక్తి-చీరాల: ప్రజల సమస్యలను ప్రభుత్వం దృష్టికి తీసుకెళ్లడంలో ప్రజాశక్తి కీలక పాత్ర పోషిస్తోందని చీరాల ఎమ్మెల్యే మద్దులూరి మాలకొండయ్య అన్నారు. శనివారం టిడిపి కార్యాలయం వద్ద ప్రజాశక్తి 46వ వార్షికోత్సవ ప్రత్యేక సంచికను ఆయన ఆవిష్కరించారు. ఈ సందర్భంగా ఆయన మాట్లాడుతూ.. ప్రజలకు, ప్రభుత్వానికి మధ్య వారధిగా పనిచేస్తూ సమస్యల పరిష్కారానికి కృషి చేస్తున్న ప్రజాశక్తి ప్రతినిధులు, సిబ్బందిని అభినందించారు. రానున్న రోజుల్లో ప్రజాశక్తి మరింత అభివృద్ధి చెంది ప్రజల మన్ననలు పొందాలని ఆకాంక్షించారు. ఈ కార్య్రకమంలో డివిజన్ ఇన్‌చార్జి సురేష్, రిపోర్టర్ బెజ్జం మణికుమార్ తదితరులు పాల్గొన్నారు.