చిత్తూరు ఎన్నికల్లో కలెక్టర్ సంచలనాత్మక నిర్ణయం

చిత్తూరు : చిత్తూరు మున్సిపల్ కార్పొరేషన్ ఎన్నికలకు సంబంధించి జిల్లా ఎన్నికల అధికారి, కలెక్టర్ సుమిత్ కుమార్ సంచలనాత్మక నిర్ణయం తీసుకున్నారు. నామినేషన్ల ఉపసంహరణ కేంద్రాలన్నీ కూడా చిత్తూరు కార్పొరేషన్ కార్యాలయంలోనే ఏర్పాటు చేశారు. నామినేషన్లను భారీ పోలీసు భద్రత నడుమ కార్పొరేషన్ కార్యాలయానికి తరలించడానికి సిద్ధం చేశారు. ఇక అభ్యర్థులు, ప్రతిపాదకులు నేరుగా వచ్చి కలెక్టర్ ఎదుట సంతకం పెడితేనే నామినేషన్ ఉపసంహరణ ఉంటుంది. మొత్తం ప్రక్రియను కార్పొరేషన్ కార్యాలయంలో కూర్చొని కలెక్టర్ సుమిత్ కుమార్ పర్యవేక్షించనున్నారు.