అనపర్తి ఏరియా ఆసుపత్రి ఉద్యోగుల మానవహారం

ప్రజాశక్తి-అనపర్తి : ఆంధ్రప్రదేశ్ మెడికల్ అండ్ హెల్త్ కాంట్రాక్ట్ ఎంప్లాయీస్ జాయింట్ యాక్షన్ కమిటీ పిలుపుమేరకు అనపర్తి ఏరియా ఆసుపత్రి వద్ద శనివారం కాంట్రాక్ట్ ఉద్యోగులు నిరసన చేపట్టారు. రెండో రోజుకు చేరిన ఈ ఆందోళనలో భాగంగా ఆసుపత్రి విధులకు ఎలాంటి ఆటంకం కలగకుండా, తమ భోజన విరామ సమయంలో ఉద్యోగులంతా మానవహారంగా నిలబడి నిరసన వ్యక్తపరిచారు. కాంట్రాక్ట్ ఉద్యోగులందరినీ తక్షణమే రెగ్యులర్ చేయాలని, ఆ ప్రక్రియ పూర్తయ్యేంతవరకు అందరికీ 100 శాతం గ్రాస్ శాలరీ చెల్లించాలని వారు డిమాండ్ చేశారు.ఈ నిరసన కార్యక్రమంలో హాస్పిటల్ కాంట్రాక్ట్ సిబ్బంది విజయకుమార్, చైతన్యరాజు, వినోద్, క్రాంతి, మీనా, హేప్సీభ, రామలక్ష్మి, ఇందిర, శ్రీ ఆదిలక్ష్మి, కీర్తి తదితరులు పాల్గొన్నారు.