సన్న బియ్యం అమ్మకాలు ప్రారంభం : తహసిల్దార్ కుశరాజు

ప్రజాశక్తి - ఆలమూరు (కోనసీమ) : ప్రభుత్వ ఆదేశాల మేరకు మండల కేంద్రంలోని తహసిల్దార్ కార్యాలయం వద్ద ఏర్పాటు చేసిన సన్న బియ్యం అమ్మకాల కేంద్రాన్ని తహసిల్దార్ కె.కుశరాజు, కూటమి నాయకులు, రైస్ మిల్లర్స్ యజమానులతో కలిసి సోమవారం ప్రారంభించారు. ఈ సందర్భంగా ఆయన మాట్లాడుతూ తెల్ల రేషన్ కార్డు ఉన్న కుటుంబానికి 10 కేజీలు చొప్పున ఈ సన్న బియ్యాన్ని అమ్ముతున్నట్లు తెలిపారు. ఇందులో ప్రస్తుతం రెండు రకాలు అందుబాటులో ఉన్నాయన్నారు. అవి కేజీ రూ.52 మొదటి రకం, కేజీ రూ. 50 రెండవ రకంగా లబ్ధిదారులకు వీటిని సరఫరా చేస్తున్నట్లు తహసిల్దార్ కుశరాజు తెలిపారు. ఈ కార్యక్రమంలో రైస్ మిల్లర్స్ అసోసియేషన్ ప్రతినిధులు వంటిపల్లి పాపారావు, వైట్ల కనకదుర్గారావు, వట్టికూటి సతీష్, సొసైటీ చైర్మన్ వంటిపల్లి సతీష్ కుమార్, మాజీ జెడ్పిటిసి రామానుజుల శేషగిరిరావు, ఏఏంసి ఉపాధ్యక్షుడు కేతా రాంబాబు, కూటమి నాయకులు ఈదల రాంబాబు, తదితరులు పాల్గొన్నారు.