నగర పాలక సంస్థ శకటానికి ద్వితీయ స్థానం

ప్రజాశక్తి.. విజయనగరం టౌన్ : నగర పాలక సంస్థ కార్యాలయం స్వాతంత్ర్య దినోత్సవం సందర్భంగా తయారు చేసిన శకటం ద్వితీయ స్థానంలో నిలిచింది. శనివారం పోలీస్ పరేడ్ మైదానంలో శకటాల ప్రదర్శనలో ‘క్యాచ్ ద రైన్’ వర్షపు నీటిని ఒడిసిపట్టు అనే నినాదంతో , స్వచ్ఛ సర్వేక్షణ ప్రాధాన్యతను తెలియజేస్తూ రూపొందించిన శకటం ఆకట్టుకుంది. దీంతో న్యాయ నిర్ణేతలు ద్వితీయ స్థానం సాధించినట్లు ప్రకటించారు. నగరపాలక సంస్థ శకటం ద్వితీయ స్థానం సాధించడం పట్ల కమీషనర్ బాలస్వామి సిబ్బందికి,ఉద్యోగులకు,ఇంజనీరింగ్ అధికారులను ఆయన అభినందించారు.