సిపిఎం పార్టీ అభ్యర్థులను గెలిపించండి

ప్రజాశక్తి-చల్లపల్లి (కృష్ణా) : స్థానిక ఎన్నికలలో సీఎం పార్టీ అభ్యర్థులను గెలిపించాలని కోరుతూ సిపిఎం పార్టీ బృందం చల్లపల్లిలో ఆదివారం ఉదయం విస్తృతంగా ఎన్నికల ప్రచారం నిర్వహించారు. చల్లపల్లి జడ్పిటిసి అభ్యర్థి యద్దనపూడి మధు సూదనరావు (మధు ), చల్లపల్లిలో రెండవ సెగ్మెంట్ ఎంపిటిసి అభ్యర్థిగా పోటీ చేస్తున్న మహమ్మద్ కరీముల్లాలకు సుత్తి కొడవలి నక్షత్రం గుర్తుపై ఓటు వేసి గెలిపించాలని చల్లపల్లి రాజా కళాశాల ఆవరణలోని ఉదయపు నడక మిత్రమండలి సభ్యులను అభ్యర్థించారు. ఈ ప్రచారంలో అభ్యర్థులు యద్దనపూడి మధుసూదనరావు (మధు), మహమ్మద్ కరీముల్లా పార్టీ నాయకులు ఎం. పోలినాయుడు, ఒడుగు గంగాధర్ తదితరులు పాల్గొన్నారు.