మార్కాపురం డీఎస్పీగా నిమ్మగడ్డ బాధ్యతలు

ప్రజాశక్తి–మార్కాపురం: మార్కాపురం డీఎస్పీగా నిమ్మగడ్డ సత్యనారాయణ శనివారం ఉదయం తన కార్యాలయంలో బాధ్యతలు స్వీకరించారు. ఇప్పటివరకు పుట్టపర్తి డీఎస్పీగా పనిచేసిన ఆయన మార్కాపురానికి బదిలీపై వచ్చారు. గతంలో మార్కాపురం డివిజన్‌లో పెద్దారవీడు ఎస్‌ఐగా కూడా పనిచేశారు. ఈ సందర్భంగా నిమ్మగడ్డ సత్యనారాయణ మాట్లాడుతూ మార్కాపురం సబ్‌డివిజన్‌లో శాంతిభద్రతలను మెరుగుపరిచేందుకు తనవంతు కృషి చేస్తానని తెలిపారు. ప్రజలకు మెరుగైన పోలీసు సేవలు అందించేందుకు చర్యలు తీసుకుంటామని చెప్పారు. శాంతిభద్రతల పరిరక్షణలో ప్రజలు పోలీసు శాఖకు పూర్తిస్థాయిలో సహకరించాలని కోరారు.