ఓటు హక్కును వినియోగించుకున్న ప్రభుత్వ చీఫ్ విప్ జీవీ ఆంజనేయులు

• ఓటర్లతో కలిసి క్యూలో నిలబడి ఓటు వేసిన ఎమ్మెల్యే

ప్రజాశక్తి – వినుకొండ : వినుకొండ మున్సిపల్ ఎన్నికల పోలింగ్ ప్రక్రియ ఆదివారం ఉదయం 7 గంటలకు ప్రారంభమైంది. ఓటు హక్కును వినియోగించుకునేందుకు పట్టణంలోని వివిధ పోలింగ్ కేంద్రాల వద్ద ఓటర్లు బారులు తీరారు. పోలీసుల పర్యవేక్షణలో పోలింగ్ ప్రశాంతంగా కొనసాగుతోంది. ఈ సందర్భంగా 8వ వార్డుకు చెందిన ఓటరు, ప్రభుత్వ చీఫ్ విప్, స్థానిక ఎమ్మెల్యే జీవీ ఆంజనేయులు తన ఓటు హక్కును వినియోగించుకున్నారు. సాధారణ ఓటర్లతో కలిసి క్యూలో నిలబడి ఆయన ఓటు వేశారు.