తోటపల్లి ఎడమకాలువలో యువకుడు గల్లంతు

మన్యం : తోటపల్లి ఎడమకాలువలో ప్రమాదవశాత్తూ జారిపడి యువకుడు (35) గల్లంతైన ఘటన మంగళవారం ఏగొట్టివలసలో జరిగింది. సీతానగరం మండలంలో ఏగొట్టి వలస గ్రామం వద్ద ఉన్న తోటపల్లి ఎడమ కాలువలో విజయవాడకి చెందిన హేమంత్ కృష్ణ అనే యువకుడు ప్రమాదవశాత్తు కాలుజారి పడిపోయాడు. గ్రామస్తులంతా ఆ యువకుడి ఆచూకీ కోసం కాలువ వెంబడి గాలిస్తున్నారు. గ్రామంలో తన మిత్రుని బారసాల ఫంక్షన్ కు యువకుడు వచ్చినట్లు సమాచారం. పూర్తి వివరాలు తెలియాల్సి ఉంది.