ప్రపంచ అంతరిక్ష వారోత్సవం–2026 ముగింపు వేడుకలు

ప్రజాశక్తి - సూళ్లూరుపేట (తిరుపతి) : శ్రీహరికోటలోని సతీష్ ధావన్ స్పేస్ సెంటర్ (SDSC SHAR) ఆధ్వర్యంలో ప్రపంచ అంతరిక్ష వారోత్సవం–2026 ముగింపు వేడుకలు అక్టోబర్ 16న బ్రహ్మ ప్రకాష్ హాల్ లో ఘనంగా నిర్వహించబడ్డాయి. ‘రాకెట్ విప్లవం’ (Rocket Revolution) అనే ఇతివృత్తంతో నిర్వహించిన ఈ కార్యక్రమానికి ఆంధ్రప్రదేశ్ సైన్స్ సిటీ (SCAP) సీఈఓ శ్రీ వెంకటేశ్వర్లు కేసినేని ముఖ్య అతిథిగా హాజరయ్యారు. SDSC SHAR డైరెక్టర్ ఎస్. ముత్తుచెళియన్ కార్యక్రమానికి అధ్యక్షత వహించారు. ఈ సందర్భంగా వారోత్సవాల నివేదికను సమర్పించడంతోపాటు, అంతరిక్ష పరిశోధనల ప్రాముఖ్యతను వివరించారు. అనంతరం విజేతలకు బహుమతులు ప్రదానం చేసి, ముఖ్య అతిథిని సత్కరించారు. వివిధ కార్యక్రమాల ద్వారా విద్యార్థులు, యువతలో అంతరిక్ష విజ్ఞానంపై అవగాహనను పెంపొందించడమే కాకుండా, శాస్త్ర సాంకేతిక రంగాల పట్ల ఆసక్తిని ప్రోత్సహించారు. ఈ ముగింపు వేడుకలు అంతరిక్ష పరిశోధనల్లో భారతదేశం సాధిస్తున్న ప్రగతిని చాటిచెప్పడంతో పాటు, యువతలో శాస్త్రీయ దృక్పథాన్ని పెంపొందించేలా విజయవంతంగా ముగిశాయి.