‘స్కేరీ పిక్చర్‌’తో బాలీవుడ్‌కు రవిబాబు

నటి కంగనా రనౌత్‌ ప్రధాన పాత్రలో దర్శకుడు రవిబాబు ఓ హారర్‌ చిత్రాన్ని తెరకెక్కిస్తున్నారు. 'స్కేరీ పిక్చర్‌' పేరుతో రూపొందుతున్న ఈ సినిమాను రానా దగ్గుబాటి నిర్మిస్తున్నారు. శుక్రవారం సినిమా టైటిల్‌ టీజర్‌ను రానా సామాజిక మాధ్యమాల వేదికగా విడుదల చేశారు. ఈ సందర్భంగా 2027లో సినిమాను ప్రేక్షకుల ముందుకు తీసుకురానున్నట్లు వెల్లడించారు. ఈ చిత్రంతో రవిబాబు హిందీ చిత్ర పరిశ్రమలోకి దర్శకుడిగా అడుగుపెడుతున్నారు. అయితే ఇప్పటివరకు తెలుగు పోస్టర్‌ విడుదల కాకపోవడంతో సినిమా హిందీలో మాత్రమే తెరకెక్కుతోందా, లేక ఇతర భాషల్లోనూ విడుదల కానుందా అనే విషయంపై స్పష్టత రావాల్సి ఉంది.