Print Editionసెప్టెంబర్‌ 11న ‘ఎపిక్‌’

‘బేబి’ సినిమాతో హిట్‌ అందుకున్న హీరో ఆనంద్‌ దేవరకొండ, హీరోయిన్‌ వైష్ణవి చైతన్య జోడీ మరోసారి ‘ఎపిక్‌’ చిత్రంతో ప్రేక్షకుల ముందుకు రానుంది. తాజాగా ఈ సినిమా విడుదల తేదీని చిత్రబృందం ప్రకటించింది. ఈ సందర్భంగా, “అత్యంత అందమైన ప్రయాణాలు ఎప్పుడూ అత్యంత సాధారణమైన క్షణాలతోనే మొదలవుతాయి. ‘ఎపిక్‌ – ఫస్ట్‌ సెమిస్టర్‌’ సెప్టెంబర్‌ 11, 2026న ప్రపంచవ్యాప్తంగా విడుదల కానుంది” అని సోషల్‌ మీడియా ద్వారా వెల్లడించింది. ఆదిత్య హాసన్‌ దర్శకత్వంలో తెరకెక్కుతున్న ఈ చిత్రాన్ని సితార ఎంటర్‌టైన్‌మెంట్స్‌, శ్రీకర స్టూడియోస్‌, ఫార్చ్యూన్‌ ఫోర్‌ సినిమాస్‌ బ్యానర్లపై నాగవంశీ, సాయి సౌజన్య సంయుక్తంగా నిర్మిస్తున్నారు. అజీమ్‌ మహమ్మద్‌ ఈ చిత్రానికి సంగీతం అందిస్తున్నారు.