నెట్‌ఫ్లిక్స్‌లో ‘కొరియన్ కనకరాజు’ స్ట్రీమింగ్

మేర్లపాక గాంధీ దర్శకత్వంలో మెగా ప్రిన్స్ వరుణ్ తేజ్ కథానాయకుడిగా నటించిన తాజా చిత్రం ‘కొరియన్ కనకరాజు’. ఆగస్టు 7న థియేటర్లలో విడుదలై మంచి విజయం సాధించిన ఈ హారర్ కామెడీ సినిమా ప్రముఖ ఓటీటీ ప్లాట్‌ఫామ్ నెట్‌ఫ్లిక్స్‌లో స్ట్రీమింగ్ కానుంది. సెప్టెంబర్ 4 నుంచి ఈ చిత్రం తెలుగుతో పాటు తమిళం, మలయాళం, కన్నడ, హిందీ భాషల్లో అందుబాటులో ఉంటుందని చిత్ర బృందం ప్రకటించింది. ఈ చిత్రంలో వరుణ్ తేజ్ సరసన రితికా నాయక్ హీరోయిన్‌గా నటించింది. కాగా థియేటర్లలో విడుదలైన సుమారు నాలుగు వారాలకే ఈ సినిమా ఓటీటీలోకి వస్తుండటం గమనార్హం. సినిమా డిజిటల్ హక్కులను నెట్‌ఫ్లిక్స్ భారీ ధరకు కొనుగోలు చేసింది.