‘నాన్నలా ఎవరుండరు మనకు..’

విజయ్‌ ఆంటోని కథానాయకుడిగా నటిస్తున్న చిత్రం ‘నాన్న కుట్టి’. తండ్రీకూతుళ్ల అనుబంధం నేపథ్యంలో దర్శకుడు ము. మారన్‌ ఈ చిత్రాన్ని తెరకెక్కిస్తున్నారు. నవంబర్‌ 20న తెలుగు, తమిళ భాషల్లో విడుదల కానున్న ఈ సినిమా నుంచి తాజాగా ‘నాన్నలా లోకములో ఎవరుండరు మనకు’ అనే పాటను చిత్రబృందం విడుదల చేసింది. కన్నబిడ్డల కోసం తండ్రి పడే కష్టాన్ని ఆవిష్కరిస్తూ సాగే ఈ పాట హృద్యంగా ఉంది. విజయ్‌ ఆంటోని స్వరాలు సమకూర్చగా, భాష్యశ్రీ సాహిత్యం అందించారు. మౌషిమి నేహా ఆలపించారు. ఈ చిత్రానికి విజయ్‌ ఆంటోనీయే సంగీతం అందించడంతో పాటు నిర్మాణ బాధ్యతలూ చేపట్టారు.