'డేవిడ్ రెడ్డి`లో రమ్యకృష్ణ

హీరో మంచు మనోజ్ నటిస్తోన్న తాజా చిత్రం 'డేవిడ్ రెడ్డి`. ఈ మూవీలో ప్రముఖ నటి రమ్యకృష్ణ కమలా రెడ్డి అనే పవర్ ఫుల్ పాత్రలో నటిస్తున్నారు. ఆమె పుట్టినరోజు సందర్భంగా మంగళవారం చిత్రయూనిట్ ఫస్ట్ లుక్ ను విడుదల చేశారు. ఈ పోస్టర్ లో ఆమెను చూస్తే 'బాహుబలి` శివగామి పాత్ర తరహాలోనే కమలా రెడ్డి పాత్ర ఉంటుందనే భావన కలుగుతోంది. ఈ చిత్రంలో దర్శకుడు సముద్రఖని కూడా ఓ కీలక పాత్ర పోషిస్తున్నారు. పీరియాడిక్ యాక్షన్ డ్రామాగా తెరకెక్కుతున్న ఈ మూవీని దర్శకుడు హనుమా రెడ్డి యక్కంటి తెరకెక్కిస్తున్నారు.