దుమ్ము, మట్టి కారణంగా తెల్లటి బూట్లపై నల్లటి మరకలు, గీతలు ఏర్పడి త్వరగా పాతవిగా కనిపిస్తాయి. అయితే వీటిని తొలగించేందుకు ప్రతిసారీ ఖరీదైన షూ క్లీనర్లను కొనుగోలు చేయాల్సిన అవసరం లేదు. ఇంట్లో సాధారణంగా ఉండే తెల్లటి టూత్పేస్ట్తో తేలికపాటి మరకలను శుభ్రం చేసుకోవచ్చు.
టూత్పేస్ట్ను ఉపయోగించే ముందు బూట్లపై ఉన్న దుమ్ము, మురికిని పూర్తిగా తొలగించాలి. ఇందుకోసం మృదువైన కుచ్చులు ఉన్న పాత టూత్బ్రష్ లేదా పొడి గుడ్డను ఉపయోగించాలి.
బూట్లను శుభ్రం చేయడానికి తెల్లటి, జెల్ లేని టూత్పేస్ట్ను మాత్రమే ఎంచుకోవాలి. చిన్న మరకలకు బఠానీ గింజంత టూత్పేస్ట్ సరిపోతుంది.
ఏదైనా కొత్త క్లీనింగ్ చిట్కాను మొత్తం షూపై ఉపయోగించే ముందు చిన్న, కనిపించని ప్రాంతంలో మొదట పరీక్షించాలి. రంగు, ఆకృతి లేదా ఫినిషింగ్లో మార్పు కనిపిస్తే ఆ పద్ధతిని ఉపయోగించకూడదు.
టూత్బ్రష్ను కొద్దిగా తడిపి, దానిపై టూత్పేస్ట్ రాయాలి. ఆ తరువాత మరక ఉన్న ప్రాంతంలో గుండ్రంగా, మెల్లగా రుద్దాలి.. అతిగా రుద్దితే కొన్ని షూ మెటీరియల్స్పై గీతలు పడటం లేదా వాటి ఉపరితల మెరుపు దెబ్బతినే అవకాశం ఉంటుంది. అయితే మొత్తం షూపై ఒకేసారి పూయకుండా చిన్న చిన్న ప్రాంతాల్లో శుభ్రం చేయాలి.
టూత్పేస్ట్తో మరకను శుభ్రం చేసిన తర్వాత శుభ్రమైన, కొద్దిగా తడి గుడ్డతో షూపై మిగిలిన టూత్పేస్ట్ను పూర్తిగా తుడిచేయాలి. బూట్లను నీటిలో పూర్తిగా నానబెట్టకుండా, శుభ్రం చేసేటప్పుడు తక్కువ నీటినే ఉపయోగించాలి.
ఇలా శుభ్రం చేసిన బూట్లను ఆరుబయట ఆరనివ్వాలి. హీటర్ లేదా అధిక వేడి దగ్గర పెట్టి త్వరగా ఆరబెట్టకూడదు.
అయితే, ఈ చిట్కా అన్ని రకాల బూట్లకు అనుకూలం కాదు. స్వెడ్ లేదా నుబక్తో తయారైన బూట్లపై టూత్పేస్ట్ను ఉపయోగించకూడదు. ఇవి సున్నితమైన మెటీరియల్స్తో తయారుచేస్తారు. అలాంటి బూట్లకు ప్రత్యేకంగా రూపొందించిన క్లీనర్ను ఉపయోగించడమే మంచిది.
కామెంట్లు (0)