'కరికాల`లో కేథరిన్

సందీప్‌ కిషన్‌ కథానాయకుడిగా నటిస్తున్న సోషియో ఫాంటసీ చిత్రం ‘కరికాల’లో ప్రముఖ నటి కేథరిన్‌ థ్రెసా కీలక పాత్ర పోషిస్తున్నారు. ఈ విషయాన్ని చిత్రబృందం అధికారికంగా ప్రకటించింది. ఆమె పాత్రకు సంబంధించిన ప్రత్యేక పోస్టర్‌ను విడుదల చేసింది. ‘కరికాల అద్భుత ప్రపంచంలోకి కేథరిన్‌ థ్రెసాకు స్వాగతం. ఓ కొత్త సౌందర్యం, రహస్యం.. అద్భుతమైన అధ్యాయం’ అంటూ పోస్టర్‌ను పంచుకుంది. ‘శంబాల’ చిత్ర దర్శకుడు యుగంధర్‌ ఈ సినిమాను షైనింగ్‌ పిక్చర్స్‌ పతాకంపై తెరకెక్కిస్తున్నారు. రెండు భాగాలుగా పాన్‌ ఇండియా స్థాయిలో విడుదల చేయడానికి సన్నాహాలు చేస్తున్నారు. ‘కరికాల చాప్టర్‌ 1’ వచ్చే ఏడాది జూలై 2న, రెండో భాగం అక్టోబర్‌ 28న ప్రేక్షకుల ముందుకు రానున్నాయి.