దర్శకురాలిగా శాలిని

ప్రఖ్యాత దర్శకుడు సింగీతం శ్రీనివాసరావు తెరకెక్కించిన 'సింగ్ గీతం' చిత్రంలో రేణు పాత్ర పోషించి మంచి గుర్తింపు తెచ్చుకుంది శాలిని కొండేపూడి. మీడియా రంగం నుంచి సినీ రచయిత్రిగా మారిన ఆమె, పలు వెబ్ సిరీస్‌లతో పాటు 'మై డియర్ దొంగ', 'జయమ్మ పంచాయితీ', 'శుభం' వంటి చిత్రాల్లో కీలక పాత్రలు పోషించింది. ఈ చిత్రాల రూపకల్పనలోనూ తనవంతు సృజనాత్మక సహకారం అందించింది. మొదటి నుంచే దర్శకురాలిగా నిలదొక్కుకోవాలన్న శాలిని కల ఇప్పుడు నెరవేరబోతోందని సినీ వర్గాల్లో సమాచారం. ప్రముఖ నిర్మాణ సంస్థ సితార ఎంటర్‌టైన్‌మెంట్స్ ఆమెను దర్శకురాలిగా పరిచయం చేయనున్నట్లు తెలుస్తోంది.