‘M4M’ 2 ప్రకటన వచ్చేసింది!

హాలీవుడ్ స్థాయి మేకింగ్‌తో తెరకెక్కిన సైకలాజికల్ క్రైమ్ థ్రిల్లర్ 'ఎం4ఎం' బాక్సాఫీస్ వద్ద విజయవంతంగా 60 రోజులు పూర్తి చేసుకున్న సందర్భంగా అమెరికాలో సక్సెస్ సెలబ్రేషన్స్ నిర్వహించారు. జూలై 18న కాలిఫోర్నియాలోని శాన్ ఫ్రాన్సిస్కో బే ఏరియాలో ఉన్న 'సినీ లాంజ్'లో ఈ వేడుకలు వైభవంగా జరిగాయి. చిత్ర దర్శకుడు, నిర్మాత మోహన్ వడ్లపట్ల, హీరోయిన్ జో శర్మతో పాటు అభిమానులు, కమ్యూనిటీ నాయకులు, సినీ ప్రముఖులు ఈ కార్యక్రమంలో పాల్గొన్నారు. ఈ సందర్భంగా 'ఎం4ఎం' ఫ్రాంచైజీలో తదుపరి చిత్రంగా 'ఎం4ఎం-2'ను మోహన్ వడ్లపట్ల, జో శర్మ అధికారికంగా ప్రకటించారు. తొలి భాగాన్ని మించే స్థాయిలో ఊహించని మలుపులు, ఉత్కంఠభరిత కథనంతో ఈ సీక్వెల్‌ను రూపొందించనున్నట్లు వెల్లడించారు.