ఎల్లరికి అమ్మ.. రేణుకమ్మ

‘తిరువీర్‌, ఫరియా అబ్దుల్లా జంటగా నటిస్తున్న చిత్రం ‘భగవంతుడు’. ఈ సినిమా నుంచి ‘ఎల్లరికి అమ్మ.. రేణుకమ్మ’ అంటూ సాగే జానపద గీతాన్ని చిత్రబృందం తాజాగా విడుదల చేసింది. ఎల్లమ్మపై సాగే ఈ పాటకు ఆకట్టుకునే సాహిత్యం, హుషారెత్తించే సంగీతం ప్రత్యేక ఆకర్షణగా నిలిచాయి. ఎస్‌. కృష్ణ ప్రసాద్‌ స్వరాలు సమకూర్చగా, అద్దుల జంగిరెడ్డి ఆలపించారు. ఈ చిత్రంతో జి.జి. విహారి దర్శకుడిగా పరిచయమవుతున్నారు. రవి పనస నిర్మిస్తున్న ఈ సినిమా త్వరలో ప్రేక్షకుల ముందుకు రానుంది.